ఎందుకలా చూస్తావ్ ????

నీకు కళ్ళెందుకిచ్చాడు దేవుడు
నువ్వు చూడటానికా,లేక
నన్ను చంపటానికా.

ఎందుకలా చూస్తావ్
మెరుపుల కాంతులన్నీ కళ్ళల్లో దాచుకొని!
నీ చూపుల బాకులొచ్చి నన్ను గుచ్చుకుంటుంటే,
నేననుభవించే తీయని నరకం
నీవెరుగుదువా?

నీకేం....
ఎలాగైనా చూస్తావ్..
సూటిగా,వాలుగా,ఓరగా....

నువ్విసిరిన ఒక్కో చూపూ
వేల మెగావోల్టుల శక్తులు నింపుకొని
నా వేపుకొస్తుంటేనేనెంతగా వణికిపోతానో తెలుసా!

నిజం....నిన్న నువ్వలాగే చూసావ్..
నిముషం మాత్రమే చూసావ్.
అయితేనేం....
నాకిక నిద్రెలా పడుతుందనుకున్నావ్????