నీలా మరొకరు

ఈరోజు
మళ్ళీ పొరపడ్డా..

నీ నవ్వు లోని మాధుర్యం,
నీ నడకలోని సౌందర్యం,
మాటల్లో లాలిత్యం,
ఆ చూపుల్లో అమాయకత్వం....

అంతా.. నీవనిపించే
నీలా మరొకరు!

ఓ క్షణం తీక్షణంగా చూసా,
తనను కాదు,నిన్ను
తనలో నాకు కనిపించే నిన్ను.

అంతే!
ఎదలోంచి ఎల్లువలా పొంగిన గతం!!
తనకు ఎదురెళ్ళి చూడగానే
ఆశ్చర్యం,ఆనందం
కలగలిపిన అనుభవం!!

అక్కడుంది నీవు కాదు!
నీలా అనిపించే
కాదు,కనిపించే
నీవు కాని
మరొకరు....